Wednesday, September 28, 2011

Hunger games - book review

Дэлхий дээр юу ч юм болж улс орнууд оргүй арчигдсаны дараагаар одоогийн Америкийн нутаг дэвсгэр дээр (миний таамагласнаар) нэгэн улс босжээ. Энэ улс тархан байрласан 13 дүүрэгтэй агаад дүүрэг бүр өөр өөр төрлийн эд зүйлсээр нийслэлийг ханган нийлүүлэх үүрэг хүлээнэ . 13-р дүүрэгт цөмийн дэлбэрэлт болж холбоо тасарснаар 12 дүүрэг үлдсэн.
Энэ улс байгуулагдсан цагаас хойш жил бүр Hunger Game хэмээх наадам зохион байгуулдаг уламжлал тогтоод  70 гаруй жилийн нүүр үзжээ. Энэ наадамд дүүрэг бүрээс 14 – 18 насны эрэгтэй эмэгтэй хоёр оролцогч оролцох бөгөөд хэн оролцохыг сугалаагаар тодруулна. Hunger Game-ын нийт 24 оролцогчоос ганцхан ялагч тодрох учиртай. Амьд гарахын төлөөх тэдний тэмцлийг телевикзээр шууд дамжуулан үзүүлнэ. 74 дэх удаагийн Hunger Game-д  нүүрс бэлтгэн нийлүүлдэг, хамгийн ядуу 12-р дүүргээс 16 настай Кэтнис охин дүүгийнхээ өмнөөс оролцох болсноор үйл явдал өрнөнө.

Wednesday, April 27, 2011

Book review #3


To kill a mockingbird
Америкийн сонгодог зохиолуудын нэгт тооцогддог энэ ном надад их таалагдсан. Гэнэн томоогүй, дэггүй охины  нүдээр арьс өнгөөр ялгаварлан гадуурхдаг цаг үеийн тухай хөгжилтэй, хөнгөн маягаар бичигдсэн. Номд гардаг гол үйл явдал гэвэл цагаан арьст бүсгүйг хүчиндсэн гэсэн хэргээр нэгэн хар арьст залуу шүүгдэх агаад түүнийг зохиолын гол баатар охин Скотын аав өмгөөлнө. Хар арьстай эрийг цагаан хүн өмгөөлөх нь тухайн үед, ялангуяа тэр хөдөө тосгонд байж болшгүй хэрэг байв. 
5 stars

Thursday, April 21, 2011

Movie review #6

Гэртээ суусан биш, кино номыг машиндаж өгч байна. Одоо сүүлийн үед үзсэн бүх киногоо биш, таалагдсанаа түүж бичихээр шийдлээ.
The Last Night
Английн Кайра Найтли, Австралийн Сэм Вортинтон буюу Аватарын залуу, Америкийн Эва Мендес, Францын Guillaume Canet гээд орон орны жүжигчид тоглосон. Нөхөр нь ажлынхаа нэгэн бүсгүйтэй томилолтоор явсан хойгуур эхнэр нь хуучны амрагтайгаа тааралдана. Гэр бүлийн амьдрал, хайр дурлал, араар тавилтын тухай өгүүлсэн энэ мелодрам кино Closer-тэй төстэй.
4.5 stars

Friday, April 1, 2011

Book Review #2

Life of Pi
Номд олгодог олон олон шагналын эзэн болсон энэ зохиолд Пигийн амьдралын тухай өгүүлнэ. Энэтхэгт амьтны хүрээлэн ажиллуулдаг байсан нэгэн гэр бүл Канад руу цагаачлахаар усан онгоцоор явж байгаад осолдоно. Бага хүү Пи аврах завинд хүрч чадсанаар амьд гарсан ч хэн ч түүнийг аврах гэж ирсэнгүй, хязгааргүй уудам далайд 227 өдрийг Ричард Паркер хэмээх сүрхий нэртэй бенгалын барын хамтаар өнгөрөөнө. Энэ номыг хэн бүхэнд уншихыг зөвлөх байна.
5 stars

Wednesday, March 30, 2011

Movie review #5

Troubleshooter - адал явдал, гэмт хэрэг
Урьд нь цагдаагаар ажиллаж байсан залуу хувийн мөрдөгч хийж, үйлчлүүлэгчийнхээ даалгавраар бусдыг тагнан, ямар нэгэн нууц зүйл хийж байхад нь зураг авч, бичлэг хийдэг байв. Гэтэл хэн нэгэн түүнийг хэрцгий аллагын газар руу явуулж хамаг хэргийг түүн дээр тохно. Хэдэн жилийн өмнө эхнэрийг нь алсан галзуу этгээд сэтгэл мэдрэлийн эмнэлгээс гарсан нь ч мөн санаандгүй хэрэг биш байлаа. Энэ киног адал явдал, триллер кинонд дуртай бүгдэд санал болгох байна.
4.5 stars

Friday, February 25, 2011

Супервижнийг шүүмжлэх нь 2

Давахгүй гэсэн даваагаар гурав давав гэгчлэн манайх Супервижн тавиулав. :P  Өөр ямар ч сонголт байгаагүй юм л даа. Би тэнд ажилладаг ганц ч хүн танихгүй, тэгэхээр намайг ямар нэгэн зорилгоор тэднийхийг муучлах гэсэн гэж битгий бодоорой. Харин ч одоо энэ явдлаас хойш нилээд хэд хоногийн дараа, бараг мартаад уур хилэн унтарсан үедээ бичлээ.

Tuesday, February 15, 2011

iPhone-ыг модем болгон ашиглах нь

Та iPhone-той бол 3G орсон хаанаас ч интернетэд өндөр хурдаар холбогдож мэдээлэл авах боломжтой. (3G ороогүй газраас ч гэсэн Edge-ээр удаан гэхгүй бол холбогдож болно.) Тэгвэл бүр өндөр хурдны модем болгон ашиглаж болдгийг мэдэх үү?
Үүнийг тулд таны утас кодыг нь гаргасан буюу jailbroken байх ёстой бөгөөд дараах зааврыг дагаарай.
  1. Cydia-аар орон June Fabrics-ийн PdaNet хэмээх аппликэшнийг татаж  суулгана. Үнэгүй хувилбарыг та 14 хоногийн туршид чөлөөтэй ашиглах боломжтой.
  2. PdaNet-ийг wifi болон USB горимын аль алинд ашиглах боломжтой ч найдвартай холболт үүсгэхийн тулд би  USB-ийг илүүд үздэг. USB горимд ашиглахдаа та ийшээ орж, өөрийн ҮС-тээ тохирох desktop client-ийг суулгаарай.
  3. Ингээд утсан дээрх PdaNet-ээ ажиллуулна.
  4. Компьютер дээрх desktop client-ээс connect хийн холбогдсоноор та интернетэд өндөр хурдаар холбогдоно.

Thursday, February 10, 2011

Mac laptop руу Мини СД хийж болохгүй шүү!!!

Интернетийн гачаалд ороод хүнээс G-mobile-ын утсыг нь түр хэрэглэхээр гуйж авав. Тэгтэл тэр нь G-mobile-ын утаснууд дотроос интернетэд холбогдохдоо хамгийн удаан нь байж таарав. Тэр утсаа өөр хүний G-mobile-ын модемоор солиод хэрэглэхээр болтол ... Mac, Linux, Windows-ын бүгдийн инсталлыг дагуулсан мини СД дагаж ирлээ.
Би Mac-ын хэрэглэгч болоод удаагүй болохоор мини СД-ыг уншдаг ч үгүй, таньдаг ч үгүй гэдгийг нь мэдэхгүй шууд л шургуулж орхитол буруудлаа.
Гаргаж авах гэж янз янзаар нилээд оролдсоны эцэст интернетээс маш аятайхан арга олсон нь:
нэрийн хуудас ч юм уу, төлбөрийн картны нэг талд скоч 2 тийш нь харуулж наагаад СД-ний дээгүүр аятайхан шургуулаад сайн дар. Тэгээд татаад гаргаад ир. Би ганцхан оролдогоор СД-ийг амжилттай гаргаж ирж чадсан шүү.

Wednesday, January 26, 2011

iPhone-д кракдсан аппликэшн суулгах

Интернетээс гоё аппликэшн олоод татсан чинь iPhone, iTouch-нд чинь суухгүй байна уу? Тэгвэл энэ зааврыг гүйцэтгээд үзээрэй. Үүний тулд iPhone, iTouch чинь кодыг нь гаргасан буюу jailbroken байх ёстой.
1. Кодыг нь гаргасан iPhone, iTouch-н дээрээ Cydia аппликэшнийг дуудаж уншуулна.
2. Manage -> Sources гээд ор.
3. Edit товчийг дараад Add гэдгийг сонго.
4. Гарч ирсэн цонхонд http://cydia.hackulo.us гэж оруулаад Add Source гэдгийг дар.

Tuesday, January 18, 2011

Book review #1

http://4.bp.blogspot.com/_EluncnOnbA4/S_VFVeTPFjI/AAAAAAAAD0c/t6BPaQaDeio/s1600/The_Alchemist.jpgAlchemist by Paulo Coelho
За энэ номыг уншья гэж зорьж байж уншлаа. Төсөөлж байснаас огт өөр бичлэгтэй, гол дүр нь залуу гэхээс өөр оноосон нэргүй уг ном урам зоригийг минь хурцалж, том мөрөөдөж, том зүйл рүү тэмүүлэх ёстойг минь сануулж өгөх шиг боллоо. Залуустаа заавал уншихыг зөвлөе.
5 stars

Sunday, January 16, 2011

Супервижн кабелийн телевиз больё оо!!!

Манайх шинэ байранд ороход би заавал тавиулна хэмээн хүлээсээр байж Супервижн кабелийн телевизийг тавиулсан юм. Анх тавьж өгөхдөө утсаар дуудахад хүмүүс нь хүрч ирээд суурилуулж өгөөд, гэрээ хийж суурилуултын хөлс болон ганц, хоёр сарын төлбөрөө аваад явсан юм.
Хэдий сувгуудын сонголт миний анх бодсон шиг тийм сайн байгаагүй ч HBO, AXN, MTV гээд үзэх дуртай цөөн тооны сувгууд гардаг байв. Удахгүй тоон системд шилжихээр олон гоё суваг үзэх нь гэж мөрөөддөг байлаа.

Movie review #4

Old boy
Миний үзсэн Солонгос кинонуудаас хамгийн шилдэг, зэвүүн триллер. Гэргий, охины хамтаар эгэл жирийн амьдралаар амьдарч байсан залууг хэн нэгэн олзолж, жижигхэн өрөөнд 15 жил хорино. Энэ хугацаанд тэр эхнэрийг хүн хөнөөж, энэ хэрэгт өөрийг нь сэжиглэж байгаа болоод охин нь асрамжийн газарт очсоныг телевизийн мэдээнээс олж мэднэ. Энэ киног триллер кинонд дуртай хэн бүхэнд санал болгож байна. 2008 оны судалгаагаар Азийн шилдэг 10 киноны нэгэнд багтсан.
5 stars

2011 оны төлөвлөгөө

  • Эрүүл саруул хөөрхөн хүүтэй болмоор байна.
  • Гэр бүлээрээ гадаад улс руу аялах. Тайланд ч юм уу далайн эрэгтэй орон руу явж элсэн хаялга дээр тарайж хэвтэх.
  • Ханийнхаа хичээлд туслах.
  • Нэг ном орчуулах.
  • Ажилдаа буцаж орох.
  • BI-ээр мэргэжил дээшлүүлэх.
  • Өрөө эрс багасгах.

Thursday, January 6, 2011

Fiona Apple

 90-ээд оны сүүлээр гарч ирсэн өөрийн дуртай нэгэн дуучинг танилцуулъя. 1977 онд төрсөн Фиона Эппл 1996 онд гаргасан анхны цомог Tidal-аар хөгжмийн ертөнцөд түрэн орж ирсэн бөгөөд цомгийн бүх дууг тэр өөрөө зохиожээ.  Энэ цомгийн Criminal хэмээх дуу нь Грэммийн шагнал хүртэж, олон тоогоор борлогдсон ч дараагийн 2 цомог нь анхны цомгийн амжилтийг гүйцсэнгүй. Алтернатив рок, жазз урсгалаар дуулдаг дуучны дөрөвдэх цомог энэ хавраас гарахаар болж байгаа ажээ.